SIK KHUA NUAM

Hmachhuana Hmar Zote

SIK KHUA NUAM

Tlai tla engah lunglên a zãm em ni?

Dawn tam renga'n ka thlir lul si lo.

Eng no nghial nui hiaua naufa tualchaina,

Val leh riang zâmrala'n ka inring si,

Sul hmun hlui leh tuanna tlang a lang fo;

Sar loh zâmin kei lunglen zai hla mawi ka sa.

Sik khua tlai hnîm lengrual lunglai kham tu,

Dai leh hringhnah chawi vel tuallai nuam;

Rem lal piang kan nghah nuam tura'n maw!?

Vul thing par tin leh vahkhuai lengi nu,

Sirva lungrual zai sate'n an châwi tin ruam,

Reilotea ral leha'n kei zawng ka phal nêm maw!

Hringhniang awmkhawhar ka lawm nan,

Mualhla kara leng chhungkim len ni a her,

Sik khua nuamah lungrual mah kan kim si lo,

Fam ngaih vang maw? hlimni tah zai rel nan,

Chhiar theih hlimni tawi, liam mai tur kher,

Fam zûn vanga tahna khua sei kei ka phal lo.

Chung Pathian ruat sik khua nuam hmang lul rawh,

Siamtu ruatah lunglai na thawi dam rawh.

(5:30pm at 16.10.'13)

Lalhmachhuana

Zoram Kanaan.