SAKHMÊL TAWN LOH

Abrahama Aba
SAKHMÊL TAWN LOH

Sakhmêl tawn an dî ngai e,
Keizawng hlimthlâ ka chhai;
Sakruang kârhlâ ami ngei.
A ankâ reng ka hriat ngai loh,
A lênna vângkhua ka dai loh;
Mahse min man ta lairil a'n.

Tu hrai duatlai ni ang maw?
Pawmlai dî ngai ve ang maw?
A zûn ngai min dî ve ang maw?
Ka dâwn thin ka thinlaiah,
A châm e chhunni zântlai-ah;
Kiang si lo maw riahrûn a rem.

Sakhmêl tawnni her maw e,
Mualzapui kâr a lêng ve ve;
Tawn ka nuam e nui hiauin.
Ka tângah bei sê lungsiin,
Hnar ka phal ngai dâwn si lo;
Rûnhmun kan lêng dûn mahna.