NUNHLUI NGAIH

Abrahama Aba
NUNHLUI NGAIH

Kumsûl veiin siknî a lo ênga,
An liam zêl e kan hlimni zawngte;
Chuti'n a lo thar hun her zêlah.
Nunhlui hnutiang chhawn zêlin,
Vanglai hun tha an liam mêk e;
Chuti'n kan hlimlai zawngte nên.
Ui te'n au mah ila,
Hringnun ani kan duan lah ni lo;
Nunhlui ngaiin ni kan chhiar.
Hun thar hlimnî leh dam nân maw,
Beisei kan san hmâ thlir zêlin;
Kan her luai luai tuantul hringfa.

Liam mahse ngaih a nâ an ti,
An liam kir zai reng rêl lo hian;
Hlimni leh tahlaini zawngte kha.
Mahse an liam ve lo thinlaiah,
Ngaiin kan au kan sûlhnu;
Siknî êng hnuaiah ngaihlai bâng lo.
Zantiang siâr leh Chhawrthla,
Thlîrin e luaithlî lo nûl leh si e;
Nunhlui leh dî hlui ngaih a tho.
Ka dâwna ka dâwn zêla,
Hei ngei hi maw hringnun chu;
Nunhlui ngaih kan tahpui tâk hi.