NANGNEN

Abrahama Aba
NANGNEN

Nuimawi pianzei hmêltha Lalngo,
Duhawm bahsam thlahmawite;
Kumtluang Senhri Ainawnpâr.
Chawnpui Derhken Rosepârmawii,
Chuailopâr iang sakhmêl sensiar;
Vangkhaw mawitu Lênmawi duhlai.

Sumtual kaia in rûn kai vein,
Ka hlân nang che biahthu ankâ;
Zânkhua rei reng a tawi ngei ang.
Tihian mengmawi ka hrilh nang che,
Nangnên in dî bâng lo turin e;
Ânnêm kamkhat min hlân ve rawh.

Ka nuam ngei e ka thai a'n chang la,
Lungkham reng ka bâng tawh ange;
I chûn leh zua lo dîl ta ila.
Palai bâwngte lova palai tirin,
Tuahrem thutin min hlan ta se;
Dâwn tam neih ka bâng tawh nange.