Min Ngaithiam Ta Che

Chungnunga Siakeng

(Min lo hlutpui ve takin..:-))

Min Ngaithiam Ta Che

--------------------

Lunglai tihnur zuala’n ka thlir fo thin ;

I lênna tual hlui, ral mualdung saw,

Enteh 'd' !

Vangpui turni senno tê-sâwn,

A chhun tle vel ;

Sâw mâw..

Ni tam in a chilh hnan tawh ka hringnun hian,

A ngaithiam thei ngai lo asin.

Thlang kâwl-ah liam ve mai se, ka ti,

Thinlai ti hnim turin ê,

Chhan loh zawhna tam tak ka in zawt mawlh mawlh nia !

Min ngaidam ni la ka in zawt lo tur.

Enteh 'd'

In rûnsang ka rawn kai zan khan min hmangaih lovem ni?

Hmangaih ânnêm min fah lo la ;

Khuaiin ningzu a dâwnin a rui ngei ang,

Biakin kawta Saron par pawn a neitu a hre tur.

Ni e, beidawnna ka ta, manganna min neihtir turin,

'Min ngaithiam rawh' ti-a ka ngenna che hi ;

Ngatinge, ka awrawl beng lo ang hial a,

Aw...mihring fanu i ngawih tlat mai le.

Tlai ni, kawla liam mai tur lâwm a,

Murva paû vel te chuan a nu awrawl a hria asin.

Enteh 'd'I ngawi rei ta e, chhimbal pawh zâm tura finna a neih chuan,

Engvangin nge min chhawn tura i ka an nachang i hriat loh?

Min chhawn la,

'Ka ngaidam che' tih zawng paw’n.