KA RAWN THLAK TAWP

Lal Ngamsaka Çhëlsëä

KA RAWN THLAK TAWP

Min ên riai riai chung chhawrthla'n,
Min chhem hiau hiau nemten virthli'n,
Min fan diai diai zûn leng zamin,
Min phuar tial tial i zûn zamin.

Her ila lung mi rual ang maw!
Hril ila nemten pawm ang maw!
Hlan i la damten min chhawn maw!
Hlîng ila lawmten tang ang maw!

Rual dun ila hringnun nang nen,
Rem ve ang maw hraichawi nangnen,
Rem rel ila riahrun nangnen.
Run nuam chang tur hmangaih nangnen.

Nau ang nuia suihlung rualin,
Nemten biahnem anka chhawnin,
Nuimawi sakruang puan ang pawmin,
Nilen kan rel rûn chhung mawiin.

Duhten ka chawi phakloh i ni.
Duhtin thu sam mai ka lo ni.
Duhaisam thamral a lo ni.
Duhluat thutin hril mai ka ni.

Ka ngen che damten min chhawn la,
Ka hlan che nemten lo chhang la,
Ka biahzai lawmten lo pawm la,
Ka damnan suihlung mi rual la,

xxxxxxxxxxxxxxxxxxxxx