KA RAM

Abrahama Aba

KA RAM

Hei hi ka ram ka ngaih ber,

Siamtu min pêk ka seilen nân;

Ram dang hnam dang ngai lovin.

Kei ka lêng kan ram ngeiah,

Ka chûn leh zua lenrual unau nên;

Tual kan chaina kan ramnuam.

Pârtin an vulna hring chamdêl,

Siktuithiang luang leh lêngnghate;

Nungchate leh lêngvâte lênna.

Malsawm tinreng dawng thin zofa,

Pî leh pûte min chhiah kan ram;

Ka ngaihlu ngei e ramdang aiin.

A hmun leh tlâng reng a mawi,

Romei tiauchhûm zâm vêl nên;

Ruamtin tlângtin an mawi e.

Keini zofalêngte'n humhalh zêlin,

Ram tân hna tha hlân ila;

Uanpui tham ram i siam ang u.