KA CHANTAWK

Ab Six August

KA CHANTAWK
KHUAREL

Hei hi ka chan tâwk khuarel,
Piallei tahna rûn a vaih reng hi;
Tu'n an hrethiam lo'nge ka chan.
Riang tein ka vai ruai e,
Laikhum a nêm thei silo;
Laitual lên reng ka tân ninawm.

Famlo mah hian pialral a hnai,
Lusûn iang hlimni awm chuang lo;
Fam ngai iang ka fartir luaithlî.
Vanrâng chhûm iang sakhmêl,
Khua thal iang a ro ka thinlung;
Riakmaw valêng vaih khum rengin.

Sêlna ankâ zawng ka pal dai e,
A na zawk e nang then chu;
Lêngdang ankâ hrãng mahse.
Keizawng ka her sual tumtâwk,
Hei lo liam ka tân vaihna rûn;
Khuanû duan ka tân piallei.

Hriatthiam reng ka
thiam nem le,
Khuanû ruat dan rual chang lo;
Ka dang thei silo luipui tui luang.
Ka au ding zo lullo hun liam tur,
A liampui ta kan hlimlai;
An hruai lui ta kir rêllo turin.