HLAN CHE ILA

Abrahama Aba
HLAN CHE ILA

Tihian duhthu ai ang ka sam a,
I tâwna ka lairil thurûk ngei hi;
Hlân che ila rem ve ang maw?
A rûktein ka khâwl ka thinlaiah,
Ka vei ber hlân ngam lo hian;
Phûloh lêngah ka ruat si che a.

Nang zawng i sâng lua ka tân,
Sakhmêl leh neih sum tinte;
Ka cho silo hlân tur che hian.
I ankâ ka hriat a mawi zawngte,
Phûloh lêngi ankâ ka tân an ni;
Mahse ka vei reng che lairilah.

Engtikah tak ka hlan dâwn che?
I nui hmêl mawi ka tân a châm e;
Mahse ka tlâwm lua êm si a.
Ka dawnlungruk hria nila aw...
Min vei ve tehreng la aw..
Hlimlai pârang a vul dâwn si.