Damte-i Thangluah
EN TEH
En teh, hul hnu mittui far nawntirtu saw,
A nui mahin mawina a la hlauh lo va;
En teh, thinlung hliamtu ngainatawm saw,
A kam chhuakah demna tur reng a awm tak loh hi.
Hmun leh kum reng a dang lo va,
En teh, kan nun zawng a dang ta!
Sawi leh tiam mah hunin a la chelh a,
En teh, hlimni zawng a thlah ta!
En teh, mi hliamtu
damna dawi saw,
Lawma a nuihnan natna mittui ka seng a;
En teh, mi bumtu
mithianghlim saw,
A kawng then fai nan tawrhna tualphunphiah ka chelh tak hi.
En rawh! A liam tak ngial dawn e,
Chelh la, ka kiangah awmtir rawh!
Ni a tlak a, hlim a daih hma loh zawng.
Mi thlahthlam lo lul rawh se.
No comments:
Post a Comment