CHHAI DI CHANG LO

Dawithiam Lalruanga

CHHAI DI CHANG LO

Biahzai nemin ka hel laldang nunnem,

Biahzai nemin min chhang lo lung a her,

Thinlai nain ka vai ruai run ka rem,

Mahriakin run ka bel thinlai a her.

Khua tuah reng loh di em ni ka chhai le,

Run rempuia'n min thlang lo lung a hnur,

Thinlai vaiin lunglai chhir a zual e,

Dawn lungrukah senmei thain min ur.

Val kei anga riang awm ve tak ang maw?

Thaleng zingah tawn di ka vai lua e,

Hmanah Lianchhiar lungdi chan iangin maw,

Chhuihthang vala rual tawnah a vaih le!

A mi lengin selin min dem lo u,

Duhsam thurawn min lo hlan nuam zawk u.

(30.10.2013..Chhun pachang lunglen)