ANG EM LE?

Chami Kholhring
ANG EM LE?

Hun chhiar loin hringnun ka hmang a,
Hun chhiarin hringnun hmang ni ila;
Natna tam tak hi ka pumpelh ang em le?

Nang vângin nâ ka inti thin a,
Nang vângin lo na ta lo ila;
Hlimna leh lâwmna awmzia ka hria ang em le?

Nang tel loin hun chhiar ila,
Nang tel loin hlim thin ni ila;
I tel lo hlimna chu a hlû ang em le?

Nunhlui ka dâwn kîr châng hian,
He zawhna bawk hi;
I tel lo nun hian awmzia a nei ang em le?