A DAI TA.....

Machhani Jahau
A DAI TA.....

Hmangaihna a dai ta,khawngaihna pawh,
Hriat thiamna in hmun a chang zo ta lo,
Ngenna in kawng a su kaw thei hek lo,
Mihring mihrinna a dinchan ni chuan!

Leilungin a mawina a hloh zo ta,
Eng chu thim hnuaia kun tur a dahin,
Thim lalna, lungngaihna zar phar a ni,
Beiseina bo vuan tu tan ruat angin.

Chemdam thliin ngawih an chuh tlat tawh a,
Hnahnem ten parfung awih an rel hek lo,
Rimawi mawina zawng pawh hlih bo niin,
Van thiang thianna pawn luahtu a haichham.

Rauhsan run ruak iang reng a thing thiap mai,
Zuva lam thai pawn an tin san laichhuat,
Pala lamthai ka chheh a rem thei lo,
Hmangaihna khawngaihna daihna-ah chuan.