MANGTHA MAI LE.....
Ka thlir chung thangvan dum pawl ri riai,
Chhum rang var par ang a vul mawi si,
Tah chuan an leng der der sirva hram thiam te,
Kei ka tan chuan lung ti leng tu mai lo ni.
A cham reng thin mitthlaah i liam tak ni te kha,
Thinlai zawng a na ngei e, hrilh reng ka hai si,
Nghil thei che hian ka mawi lo kei ariang vala hian,
Senmei khu a zam chii chiai chhung chuan.
Liam tur chu liam mai ta la e, mangtha mai le,
Chelh din a dan zawh rual lah i ni si lo,
Tum thing ianga rah chhuah duah hluah hluahin,
Mi dangte tan malsawmtu lo ni zel ang che.
Par mawi iangin kan vul dun rial rial thin,
Tunah erawh a chuai zo ta kan hlimna par,
Siahthing zar mawi hring nghilh nghelh kha,
Tunah thliah hnu chhawl iangin a ro zo ta.
No comments:
Post a Comment