TUNLAI MI

Chhakchhuak Lalmuanthanga Muantea
TUNLAI MI

A hawi zik zik,
A thlir den den,
A thlang bawrh bawrh,
A duh ang ang.

Awh zawng a ngah,
Awm awl a thlang,
Awmchin hre lo,
Awm zawng ngen in.

A hai ngei chunnu thlunglu,
A hrai rilru piansual vang,
A zuapa a mualpho fu,
A thalbe chhuak nun hoh vang.

A piang ve si fuke kimin,
A tui tui lah a hre ber ber,
Awmawl a ngeih thau mum kangin,
Aw, chun leh zua lah cher telh telh.

A ngeih lo tharum thawh ngai reng reng chu,
A tlin lo rilru sen ngai hna lah chu,
Aw, engtin hringnun hman zeltum che maw?
Awm lo in mual liam se chun leh zua saw.