TAK ANG MAW...

Damte-i Thangluah
TAK ANG MAW...

Chhaktiang kawl eng zung zauvah te khian,
Lunglenna thar fo lo se;
Ram tuktin par iangin nunthar vul ta se,
Ka khawharna hi reh tak ang maw..

Chhemdam thlifim leng velah te hian,
Mi hlui rim nam fo lo se;
Hawktui iangin mittui chu luang ral se,
Kei hian tah lai bang ve tak ang maw..

Zan lai mi mutsan ram rehah te hian,
Thinlung hliam hi pûn fo lo se;
Zan ngaihawm kha theihnghilh ila,
Nunhlui tih leh thin hi bang tak ang maw...

Ka hmangaihna che hian tuam reng lo che-in,
Rinawmna hian zui reng lo che ila;
Hmangaihnain thlir reng lo che ni ila,
Beiseina nena ka nghah che hi bang tak ang maw...