KA SAM KA THAII.

Carey Por Favor Sailo
KA SAM KA THAII.

A sakhmel leh ruang zawng a duap.
In thai lanu sih them zat lek maw ni.
Mahse ka chhingmit tlawman a puak.
Felna leh zahawmna fawm kawp-i

A neihloh sumpai bawm a ruak.
Puk chawp lah nung bik hek suh i.
A neihchhun haite tan a phawrh chhuak.
A hausak berna chhan ni tlak pek i.

A thuamhnaw ngainat lah a suak.
Changkanna diklo haw tlat pek i.
Zoze khum a changkanna a uak.
A Zoze nun changkang pui tlat hek i.

A mize tha ka tan a phawrh chhuak.
A mize chhia theihngilh tum tlak hek-i
Awm nem maw fel famkima chhuak
Ka tan a fel bikna ni tlat pek i.

Hmangaih biahthu a puang chhuak.
Khuanu duan ve reng ni tlat hek i.
Nun pui chungin mi tuam chhuak.
Lanu dang aia ka thlan chhan ni reng i