Htluanga Hruaia
KA HMANGAIHNA.
Tüktin pâr pawh chuaiin a uai fo a,
Hring thing hnah nem mah a vuai thin.
Kumtluang pâr meuh pawh a chuai a,
Ka hmangaihna erawh kiamin a hniam si lo!
Zalen thlahlel thinlung khârkhip a ni a,
Nun tam beisei thinlung a beidawng thin.
Sal-tha thinlung sak mah a nem fo va,
Ka hriatrengna erawh kiamin a hniam si lo!
Dikna chu dâwt pâr dalin a hliah fo va,
Rinawmna rah chu eichhiatin a awm thin.
Phatsantu sakhmel chu a mawi zual fo va,
Ka hmangaihna erawh kiamin a hniam si lo!
No comments:
Post a Comment