FO ANG CHE.

Damte-i Thangluah
FO ANG CHE.

Ka tana par mawi ber i ni a,
I vulna erawh hla tak a ni a;
A nam chiai a i rimtui leng vel,
Ka hnim fo ang che.

Ka tana hmuh nuam ber i ni a,
I seih mawi chu ka mit titlaitu a ni a;
Paw ri riai i mitmeng chuan min tihlim thin si a,
Ka thlir fo ang che.

Ka tana lehkhabu
ngaihnawm ber i ni a,
I thatna chu chhiar sen rual loh a ni a;
A kawm mawitu i
nungchang chuan mi hip si a,
Ka chhiar fo ang che..

Ka tana mihlu ber i ni a,
Hril sen loh khawpa tangkai i ni a;
Ka chak lohna hmuna min tichaktu i nih vangin,
Ka bel fo ang che..

Ka lei hringnun
thlamuanna i ni a,
Ka hlimna par thing i ni bawk a;
Khuavel hringmi sang tam zingah,
Ka Pathian tluk teuh bertu i ni fo ang.