C Van Hmingliana
Siktui Thiang
Kawm char tuihawk luang her her chuan nunna thu hril tlatin ka hria a, tui pawimawh zia min ngaihtuah tir a. Kum 1990 daih tawh khan BBC chuan kum 2025 ah chuan tui thianglim a van viau tawh tur thu an sawi te ka hrechhuak a, Kan zo tlang ramah hi chuan ram hnuai kalna leh lui ruamah te, tui luang ri kan hriat her her ten min tihhahdam zia leh, hnianghnara tui thianghlim ka nei reng lawmawm ziate ka ngaihtuah a. Chu thlarau pawlna chuan he hla hi a hring chhuak a ni ber mai. (7.7.2017
SIKTUI THIANG
Thalvaekchar kan vui liam a,
Thlang tiangah kawl a lo hnim a,
Kawlah a lo rum thangvan rial,
Khawpui ri nen a hnai tial tial. (4)
Thangvan lanu pheichheh sual chu,
Hringfate lunglawm khuangruah sur,
Nung tin thlai tin chawm hrai liantu,
Mal tin sawmtu a haw dur dur. (8)
Amawi ngei e, a chiar nghin nghian,
Zantiang thangril muttui min hlan,
Hawktui luang ri a mawi her her,
Malsawmna hlu a ni kan tan. (12)
Hril lo thei hian ka mawi si lo,
Siamtu chawi renga siktui fim,
A luang her her, a li liu liau,
Ruang bual nan kan ti, min ti hlim. (16)
Tlangsang zo fim lentu karan,
A luang dem dem thinlai min hnem,
Hahchhawl dawi ang kan indawm nan,
Khiat khalh khalhin thaw a ti nem. (20)
Turni sen sat lai dangchar hnawn,
Sawmfang tuan rel tui hal rehna,
A rawn chawi lengi’n val a hnawn,
Zotlang siktui thiang lungdamna. (24)
Lengnghate lunglawm tualchaina,
Chengkawl, tuikep ulawng chenin,
Lungduh di dar ang an chhaina,
A luang dam diai e, kumtluangin. (28)
Thlaler ram ro khualzin mi chuan,
Dang ro, dang charin ram a chuan,
Kawlva lenchham a hla zin kawng,
Zawhin lamtluang a thui vawng vawng. (32)
Thlaler vaivut thlipui kara’n,
Tawn ni awm lo maw siktui thiang,
A ngai ngei ang lentu kara,
Luang dem dem zo tlang siktui thiang. (36)
Kan vannei em e phang lova,
Tlan tur siktui khuanu ruat hi,
Ruang bualna, sifaina kan ta,
Renchem lovin kan hmang hiau hiau. (40)
Damten luang del del ang che aw,
Hringnun petu, nunna tui fim,
Hringfate mual an liam hma leh,
Damlai khawvel an len chhungin. (44)
I tel lova thlai ni leng hian,
Ka ring mawlh lo aw siktui thiang.
Piallei kawm tin hrut del delin,
Ral lovin luang del del ang che. (48)
Siktui Thiang
Kawm char tuihawk luang her her chuan nunna thu hril tlatin ka hria a, tui pawimawh zia min ngaihtuah tir a. Kum 1990 daih tawh khan BBC chuan kum 2025 ah chuan tui thianglim a van viau tawh tur thu an sawi te ka hrechhuak a, Kan zo tlang ramah hi chuan ram hnuai kalna leh lui ruamah te, tui luang ri kan hriat her her ten min tihhahdam zia leh, hnianghnara tui thianghlim ka nei reng lawmawm ziate ka ngaihtuah a. Chu thlarau pawlna chuan he hla hi a hring chhuak a ni ber mai. (7.7.2017
SIKTUI THIANG
Thalvaekchar kan vui liam a,
Thlang tiangah kawl a lo hnim a,
Kawlah a lo rum thangvan rial,
Khawpui ri nen a hnai tial tial. (4)
Thangvan lanu pheichheh sual chu,
Hringfate lunglawm khuangruah sur,
Nung tin thlai tin chawm hrai liantu,
Mal tin sawmtu a haw dur dur. (8)
Amawi ngei e, a chiar nghin nghian,
Zantiang thangril muttui min hlan,
Hawktui luang ri a mawi her her,
Malsawmna hlu a ni kan tan. (12)
Hril lo thei hian ka mawi si lo,
Siamtu chawi renga siktui fim,
A luang her her, a li liu liau,
Ruang bual nan kan ti, min ti hlim. (16)
Tlangsang zo fim lentu karan,
A luang dem dem thinlai min hnem,
Hahchhawl dawi ang kan indawm nan,
Khiat khalh khalhin thaw a ti nem. (20)
Turni sen sat lai dangchar hnawn,
Sawmfang tuan rel tui hal rehna,
A rawn chawi lengi’n val a hnawn,
Zotlang siktui thiang lungdamna. (24)
Lengnghate lunglawm tualchaina,
Chengkawl, tuikep ulawng chenin,
Lungduh di dar ang an chhaina,
A luang dam diai e, kumtluangin. (28)
Thlaler ram ro khualzin mi chuan,
Dang ro, dang charin ram a chuan,
Kawlva lenchham a hla zin kawng,
Zawhin lamtluang a thui vawng vawng. (32)
Thlaler vaivut thlipui kara’n,
Tawn ni awm lo maw siktui thiang,
A ngai ngei ang lentu kara,
Luang dem dem zo tlang siktui thiang. (36)
Kan vannei em e phang lova,
Tlan tur siktui khuanu ruat hi,
Ruang bualna, sifaina kan ta,
Renchem lovin kan hmang hiau hiau. (40)
Damten luang del del ang che aw,
Hringnun petu, nunna tui fim,
Hringfate mual an liam hma leh,
Damlai khawvel an len chhungin. (44)
I tel lova thlai ni leng hian,
Ka ring mawlh lo aw siktui thiang.
Piallei kawm tin hrut del delin,
Ral lovin luang del del ang che. (48)
No comments:
Post a Comment