Dennis Vuangtu
LENGLERH (chhun zawmna)
A anka némlo thúm fiak chu,
Ka ít ngei naupang hlauha'n;
Ui,Sisi,'I'TS MY LIFE' tiin,
Rawl mawilo ber thangchhuak e.
Men rêng nuamlo chhung leh khat tan,
Kam kal si,hnialhrát bawk si;
Zilhhautu awrawl a kham thlawn,
A sawt lo,khawngaih lainat.
Eitui duh leh nalh duh a fawm,
A zahthlak ngei thatchhe si;
Amak e thenrual vài lo chu,
Thenrualte lai a tlukpui.
Hràt eltiangin a hràt,pawnchhuah,
Enteh saw,a in penparh;
Valto lo mit fûk nan em ni?,
Chhehiau,kal mai teh lal T.
A vàn ruai ruai a kawppui tur,
Lemnung thiamchuang sawt si lo;
Powder hman lah a khâk tuar e,
A tâtsen vel,a heh nen lam.
A leng vel e,hmaithinghawng nen,
An bia e,biak chhawhchhi in;
Hriatloh a ram pawh nei chuang lo,
An chan huai huai,khualtelem.
Leinun tikimtu anmahni,
Eden sual pumbilhtu pawh;
Laitual chhirin a HA HAI e,
A dui ber hmehbel theih nan.
No comments:
Post a Comment