I LA CHUAI VE ANG PAR MAWI TE IANG IN

Khiangte LR Lra

I LA CHUAI VE ANG PAR MAWI TE IANG IN

I hmelthatna leh mawina te,
Duhawmna, thianghlimna, zahawmna,
Hmingthanna leh i ropuina zawng nen,
I la chuai ve ang par mawi te iang-in.

A la til anga piallei daiah tla-in,
Chumi hunah, engmah reng i hre tawh lawn'g,
Rial anga tui rala hawktui ianga luangin,
I la chuai ve ang par mawi te iang-in.

Ropuina leh thiltihtheihna te,
Chakna leh thiamna, finna zawng te,
Sum leh pai, i neih ro hlu zawng zawngte nen,
I la chuai ve ang par mawi te iang-in.

Aw Hringmi i nunna pawh hi maw,
Hlunlo tur renga siam leh din i lo ni si,
A lo ni e, vuai a, uai leh chul leh mai tur chu,
I la chuai ve ang par mawi te iang-in.

Chapovin inchhuang mai lo la,
He khawvelah hian mim angin kan lo piang ve a,
Nakinah thihna kut vawtin a man hunah che chuan,
I la chuai ve ngei ang par mawi te iang-in.