ENGA'N ENGKIM SIAMTU KAN BELH MAI LOH?

Muantea Fanai Pakhup
ENGA'N ENGKIM SIAMTU KAN BELH MAI LOH?
(14th feb,'08, Valentines day)

Hun reilote chatuan pawh daihlo tur
Hma tak a chuai leh mai tan chauh a par
Hlobet iang a hunsul vei a vuai tur
Hringmi hi engvangin a vul a par?

Kan hringmi pui elin kan hmanhlel a
Khuangruah leh turnipui kan dodai a
Kan hamthat napin thenrual kan er a
Kham, ko leh bumboh kan zawh ngam zel a

Thangthat kan khel dam chhung tawite ah hian
Tlangtin kan hrut hamthat tinreng dapin
Thangchhuah puan serh mahni tah chawp kan sin
Thiang leh thianglo thluk lohna ram kan pan

Eng vang nge hringnun tawite kan thlakhlelh
Eng vang nge rauthla chatuan kan ngaihthah
Enga'n chatuan tlinglo kan thlakhlelh talh
Enga'n engkim siamtu kan belh mai loh?