A luang dem dem zo tui thing chu,

Khiangte LR Lra
A…….

A luang dem dem zo tui thing chu,
A thaw heuh heuh zo thlifim pawh;
A zing chiai chiai thal-ah romei,
A lang riai riai kan chhuah tlang khi;
A kiu ruai ruai lelthang zai thiam,
A kur siau siau siahthing hnah nem te,
A mawi em em zofate lenna Zoram hi.

A nuam tak tak i tang belh hi,
A fawn dial dial hmangaihna chu;
A feng chhing chhing zo lanu ngei,
A mawi ber ber lo zuk ni che a;
A her liai liai laitual mawi-in,
A thlum vawng vawng i anka nem,
A zual deuh deuh ka duhna che.