NI TAM KUM TAM A VEI THLENG PAW’N

Pa Marema Thaibawih
NI TAM KUM TAM A VEI THLENG PAW’N

Zânin ang rêng rênga ka lunglên chu,
Hawihkawm lenrual ka sâwm che u,
Ngaihlunglên do zaa zân vârpui tura'n maw! 

Thaikawi ningzu thlum min hlan loh chuan,
A ânka nêm biaklai chhâwn tur a awm loh chuan, 
Hâwp khawp a tling zo lo, engkim mai hi!

Lamkawiah an sawi Lalngo chu tawng ta ni ila,
Tawh ka zuam lo, biahnem hlan ka ngam lo'nge;
Zo-kai perhtê hi zuanga herin,
Kawr hma lêng diai diaiin ka her liam mai awm e!

Mahse a biahnêm chhâwn hrui ang min phuartu,
Ka vuan ang kumtluang chu sei mah se;
Zaituahrem hian hrilin ka hrilh nâ’nge, 
Kan tâwnah tui angin dam se ka lo ti,
Ni tam kum tam a vei thleng paw'n.

-tc lrs — at Ngaihlungdum Poetry Institutes.