NANG

Elti Muana
NANG

Rual duh kimin hringnun par kan tlan, 
Lenlai chenin vangkhaw thler tin kan suartluan,
Kha ang lai khan tu dang ka ngai ngai lo -
Nang chauh lo chu!

Awmlai hrangin laikhum zawlah mi keuh thlu a,
Hlimnain mi mangtha a, damchhan beiseina 
Dang zawng zawngin mi phat hnu-ah pawh
Hringnun vangkhua pel lo tura-
Ka beiseina chhermei chu nang hi.

Sikpui khua vawt vawi tam ka tuar chhuak a,
Thalkhua turni sensa vawi tam ka do dai a,
Furpui khuangruah pawh ka do han fo
Hei ang hun sul liam thinah hian maw,
Nang ka dawn mi dal ka tawng ngai lo!

Free verse tehnameter
Rhyme Scheme awm lo
Phuah hun: Tun