KA NGAIH LOH CHE RING SUH - III

Zirtei Mangpa
KA NGAIH LOH CHE RING SUH - III

I hlimna thlentu ni tawh lo mah ila,
I thinlung pindan min kharkhum tawh mah la,
I hriatrengna ata mi paih si loh chuan, 
Ih maw, Mate, ka ngaih loh che ring suh! 

I thawnthu ziaktu ni tawh lo mah ila, 
I ziakfung chelhtu pawh lo thlak tawh mah la, 
I thawnthu-a ka hming i paih si loh chuan, 
Ih maw, Mate, ka ngaih loh che ring suh! 

Ka nun thawnthu ziah zawm ve zel mah ila, 
Ka ziah apiang chhiar ve zel tawh lo mah la,
A phek tina i hming a la chuan si chuan, 
Ih maw, Mate, ka ngaih loh che ring suh!