HIP-HIP- HURE !! HIP-HIP-HURE !!

Khiangte LR Lra

HIP-HIP- HURE !! HIP-HIP-HURE !!

En teh, saw… en teh, en teh ka thian, 
An lo lang ta, Zoram khel thiam val-rual te;
An pian a mawi, an zam a tha, an zuan a zang si,
Khelmual hring dupah an hmachhawn e, an tum valrual te.

Hip-Hip-Hure !!... Hip-Hip Hure…!!
Kan lam e, kan zuang e, kan au dual dual e;
Kan kut-te kan benga, kan khek tuar tuar bawk e,
Mizoram a chak…!! Zoram kan chak...!! haaa…haaa...haaa..!!
Hip-Hip-Hure... !! Hip-Hip Hure…!!

En teh, saw…en teh, saw… an lo hnaih zel che,
In thlahdah thei i ni mawlh lo tang rawh, tang zual zel rawh;
An tum e, in theihna leh chakna te ti-tlawma,
Hnehna puan zara, chak zawk nih ngei tumin.

I ke a mawi, i lu a mawi, i kut a mawi,
I hming a mawi, Zoram a mawi, Zo nih a nuam;
Hnehna hla mawi ri a fawn dual dual e,
A pui a pang, a lian a te, kan hlim kan lawm.

Zoram val hi tunge ngam thei awm ang le,
An thiamna finna te hi a va sang lua em!
Mahse hei erawh hi vawng tlat thung ila aw,
Ruih theih thil chi hrang hrang lakah him fo zel la.

Keini zofa-leng zawng zawngte paw’n,
Tum fel nghet tak chu nei theuh ila;
Chu ram chu kan thlen hma loh chuan,
Huaisen tak leh chawl lovin bei tang tang zel ang u.