Muan Kima Ralte
TURNI A HER
( Hmun dangah ka post tawh tho naa a lang leh ta tlat pek)
Turni a her riahrun lamtluanga chhui,
Mahten ka thlir nunhlui vanglai ka dawn,
Thinlai a hnim ka zawng suihlung rualpui,
A riang mi iang ve ru tiin ka sawm,
Thlang kawl liam zai a rel thlir zai rel ru,
Mi iang awm se tuar lai ti nem rengan,
Hlim lai chenin tuan zai zawng rel bik su,
Mahten min siam a rianghluan bik rengan,
Chelh zai ka rel mahten ka tang mai dawn,
Lung lai rualpui vaiin ka hawi vel ruai,
Thlah zai ka rel mai dawn tun min sel lawng,
'Liam lang' ti in chawn ban ka vai ruai ruai.
Turni ngaiten kawlan lo chhuak leh se,
Zaleng,thaleng suihlung ti leng ve se.
No comments:
Post a Comment