NI 'THÛRO' CHANG TAWH LA -

Lalrammawia Chhakchhuak
NI 'THÛRO' CHANG TAWH LA -

Zantiang lungmuang laikhum chhâm ang zal hnu,
Bawhâr pau in hai ang mi lo thang a;
Tawnmang ramnuam suihlung rual a fan hnu,
Dâwn kir zelin chhingmit ka mengta a;

Chhîngmit lenruai si e, thlunglu kân in,
Lenkâwl eng in, türni kawlah herchhuak;
Hmelbu ka keu, Engdang lungkham lovin,
Ni thar duhawm hawihte'n a lo herchhuak.

Zaleng rualte'n sakhming an lo chhal che;
A iang rengin hrângvung lunglian,"SAKEI",
Tuanrêl nichhun 'kâwlkei' maw lo ni che;
Ni chhun a rei, ai ang i cham a sei.

Sakhming selhnu "SAKEI' chang tawh mah la;
Hrâng lo sakhming "THÛRO" lo ni chang la. .