NANG PANGPAR MAWI BER..

Khiangte LR Lra
NANG PANGPAR MAWI BER....

Chi zawng zawng zinga chi te ber,
I lo piang chhuak "Pangpar mawi" tiin kan ko che,
Sikni eng leh Van malsawm ruah maia chawmin,
Hringnun ti mawi zual tur hian maw,i lo par thin.

Mawina leh duhawmna zawng zawng i ta nise,
Thianghlimna leh bawlhhlawh kai ve si lo,
Nun mawi, sualnain abawm ve loh chu maw,
Nang "Pangpar mawi" chauh hi i lo ni e.

Hringmi te zawng kan vanglai leh thatlai ni te,
Lo vul ve thin mah se, rei reng adaih zo si lo,
Hur leh nawmsak itsiknain kan vanglaini te chu,
Tenawm leh bawlhhlawh takin kan hmang zo thin.

Mahse Nang zawng hetiang hi i ni ve lo va,
I par mawina leh rimtuina leng vel te chuan mi tin-te,
Thinlai na leh hliam tuar te chu thawi dam zawkin,
Chawlh hahdamna nuam tak chu min thlen thin.

Mitin te fak leh chawimawi chu hlawh lo mahla e,
Nangmaha i mawina leh thianghlimna te hi aw,
Neih ve ngei thei ila Hringmi zaleng zawng zawng te hian,
Chu'tin kan nun, 'Parmawi' iangin rimtui a chhuak ve ang.