KHAWI AH NGE NUN HLIMNA CHU ??

Lng Siakeng
KHAWI AH NGE NUN HLIMNA CHU ??

Hlimna zawng in ka hringnun hi,
A van ruai ruai e, Hnemtu ngai in;
A tawng si lo, nun hlimna chu,
Khawiah nge nun hlimna chu.?

Hmangaih par tlan a hringnunchen in,
Hei ngei hi maw hlimna hlu ber?
Mahse a pai tûr fan a na ngei,
Khawiah nge nun hlimna chu.?

Hmangaihna maw hlimna dik chu,?
Min hnem zo lo hmangaihna hian;
Ka tan tah na, natna, lungngaihna mai,
Khawiah nge nun hlimna chu?

Nulat tlangval nawmchen na maw,
A daih rei lo chu hlimna chuan;
Min pe zawk si lungchhir ser nung,
Khawiah nge nun hlimna chu?

Sum hlu leh ropuina em ni zawk le,
A hlu chuange hring chan chhung hian;
Tah chuan a awm chuang lo hlimna tluantling,
Khawiah nge nun hlimna chu.?

Thiamna, sanna, finna zawngte,
Atha hluan e hring chan chhung in;
Min pe chuanglo nun thlamuanna,
Khawiah nge nun hlimna chu?

Sakhuana zawk ber em ni zawk,
Hei ai kawng tha a awm bil lo;
A awm chuanglo nun tak a ngai,
Khawiah nge nun hlimna chu?

Minhrilh ta che aw..nang tha ber,
Hlimna, lawmna chatuan daih tur;
Min hmuh tir rawh nun riangvai hi,
Khawiah nge nun hlimna chu?

Ka hlan nag che an nem te in,
Kawnghlun leh nung chatuan lamlian;
Tah chuan a kim ngei hlimna par tin,
Chuai ni reng awmlo an vul reng e.
Hmangaih Lalpa'n
A aw nemin a sawm reng che,
Lo zawh vela min zui ta che;
Chatuan hlim tawp loh chu i chang ngei ang