Chhingmit hawngin par tin vulmawi ka thlir

Elti Muana
(Kum 9 vel liam taa ka thai sil nin nian hi ka'n ninhlei phawrh mai mai teh ang. Ka rumrawk bawm ka hai peih si lo a, ka phuah sa nen a danglam hlek ang tih pawh ka hlau hlel lo.) 

Chhingmit hawngin par tin vulmawi ka thlir
Thliah cho parmawi tawn tur a vang mang e
Vangkhaw lailumah lo vul, thlang Sappui rose par
A par a mawi, lungruk duhthu a sam zo ngei
Thliah zai ka rel, mahse an phal nem le - a zar leh peng tinte'n
Chutin a hling zumin mi chhun ta.

Kal lai ka rel, kawm tin kil tin ka hrut zel a
'Cho phak tawk par mawi awm maw?' tiin ka zawng zel a
Vangkhaw dai kawmah lo vul bawhartukkhuan
A par a mawi, thliah nuam sakhmel a chawi
Mahse chhunni a her, a par vullai ka tan a chuai leh si
Kei zawng parmawi chhunni vui zo lo hi
Eng dang vang dang ka chhal thiam lo
Lungril takna tel lo derna vang mai lo chu.

'Bei nge sei run dung?' ti chung zelin
Zawtin zawng zel ta'ng ka ti
Cho phak tawk par mawi ka tawn hma zawng.