Aw D, in rün hliap hnuaia

Zothanpuia Hauheng

Aw D, in rün hliap hnuaia
Sakruáng buan ang pawm a,
Hmangaih thu hlu kan hril lai khän,
I zùn zám khän ai ang min vial a,
I bahsam chùl màm ngai lo chül chung a,
Fawh thianghlima ‘I tän’ ka tih zàn kha e,
Nghilh thei hian ka mäwi lo asin,
I hlim hmël mitthaa’n a chäm reng mai!
Aw, nghilh zawng a har mang e ka ti!
Kumpui súl tam a vei hma leh,
Tlängza rèlthang kan phurh hma hian,
Khuanu malsàwm dil chung zelin,
Tuah rem thu di thlun zai i rël mai ang hmiang…

Mal tin sàwmtu chung Khuanu paw’n,
Rem min tihpui hian i ring lo’m ni?
Thianghlimna puan kan sin ṭhin kha,
A hai nem le chung Khuanu khian,
Suihlunglënga ni rei hman zawng,
I zuam bik hian ka ring mawlh lo ve,
Rinawmna chabi kan kawl dun kha,
Hawn hlan I nghâkhlel ve lo’m ni le? :D
Mahse, Khuanu duh dan pel lo nang e.

Dated; Ka khum
on 17.4.2013 at 11:45Pm