VANGIN.

Htluanga Hruaia
VANGIN.

Rondelet Form :

Lenkâwl liam hian di zün hlui mi hlàn a,
Ka tuarlai hliam pân pün thual tual tual e.

Lenkâwl mawiin hlimthlâ mi chhiah vàngin.

Hnim riai vàngkhua mual tin ka thlir vèl a,
Luah loh mihlui lenglerh seih ka hmu e;
Nunhlui lawhlei pâr khüm kha ka hmu e.

Lenkâwl mawiin hlimthlâ mi chhiah vàngin.

Rhyme : abCabbC.

(Kum zabi 12 lai vela French leh Provencal troubadour ho hlaphuah dàn kalhmang chikhat züla ka tih ve chhin a ni a. A rhyme ‘C’ hi a thunawn (refrain) a ni. French ho hian heti ang chi form hi an nei nual a, French & Provencal Fixed forms tih a ni thin a. Chu’ng zinga pakhat chu ‘rondelet form’ hi a ni.)