RAM KANG VENG ANG

Jimmy Chhangte
RAM KANG VENG ANG

Rel thiam khuanu'n a rel lai khan,
Thal khawro leh lei dang char,
Lo dah diamin hringnun rahbi ti kim an,
Chutin hun lo her zel ah'
Tualto nungcha than thlak hun pui kha,
Doral lo hrang in, than siam an rel theilo.

Sen mei hrangin zoram cheitu tukloh ngaw,
Thuam ang do e, tingmit zel an ti,
Chutin kan chaw bel pawn phai lam pan zel e,
Engtin ti ang i maw chawntawi val rualte'n,
Khawnge zuang in tho ang aw, zam ngailo val,
Doral sen mei hma ah kan zam dawnlo.

Kan ram a riang an ti, kei a rianglo ka lunglai'n,
Nang leh kei kan awm a ni lawmni, tiraw thianpa,
Hawhle veng ang le, kan buh zem suar ang suamtu,
Chutin naunawn, tar leh upa,
Lungmuangin an zal nang kan thla hnuai an,
Ram tan kulh bang kan ni ngai e............

Hawh ule kan hmelma lian ber zing a mi, ram kang veng turin in buatsaih ang ule!!!!!!!!!!!!!!