NUNHLUI LIAM HNU

R Lalchanchin Mawia
NUNHLUI LIAM HNU

Vul leh zairel lo hmana kan nun zaliam tawh hnu.
Ngaiin ka au ruai ruai kir zai reng a rel tawh si lo.
Theih chang se par ang vula kan hlim lai nite.
Kohkir leh ka nuam ngei e a riang thinlai hnema'n.

Ngaiin au thin mah i auh din rual a ni tawh si lo.
Uiin chelh mah i dan rual lohin zamual a liam ta si.
Chhingmit hlimthlaa cham bâng mai chuan.
Min hnem zo si lo ariang awmkhawhar lunglen.

Sakhmel dar ang tawng lo mah i in hlim nui ri.
Ai ang cham reng si thin thinlai dawn lungrukah.
Ankanem min hlan lo mah u biahtin zaiin.
Tuar har in zunleng zam vel min ban tawh si.

Dawn chang ni hian lenrual lungduh zawngte.
Ai ang tharin thinlaiah ngaih a zual chuang e.
Fan chang ni hian hlimten kan tuanna mual zawngte.
Lunghlui thinlai a thar leh thin nghilh rualloh kan nun.

Senlai nau ang tah ka bang lo nunhlui ngaiin.
A zual zel si awmhar tinkim dawn changin.
Sulhmun hlui hruta Ar ang ka vai ruai ruaiin.
Duai khua chungvan iangin thinlai a hnim riai e