KA THLIR

Htluanga Hruaia
Ka poetry bu(CHHAMHLA, tuna Re-print leh mek)-a ka dah tawh, ka thiante tan ka'n share teh ang.. ka thiante zawng zawng tan.... A tuipui lo erawh huap lovin.. :)

KA THLIR

Sonnet.

1. Kiu lai bâng lo lelte di ngai ka hria,
Tuk loh ram lèntu sâng thing lèr mäwiin;
Hreu kai tlâng ro zuksial di au ka hria,
Vah loh mual neitu khàm râng pèr chuanin.

2. Vangkhua bawhtu vut-vai leng ka thlir a,
Leng chem chemin mual tin ruam a bâwm e;
Nunkhua bawhtu zun zâm leng ka thlir a,
Zual tual tualin nun tin hliam a hâwn e.

3. Lènmawi, i kimtlâng mawihluan ka thlir a,
Zun ka phurhhlàn a rih luat chhan ka hria;
Lènmawi, ka hringnun rianghluan ka dâwn a,
Nun hlui phurh hlàn mi bàn tâk chhan ka hria.

4. Turni sensa vel vawl tuarin ka ngui,
Chhunni sensa vel vawl tuar di ka vui!

(Rhyme : abab, cdcd, efef, gg)

(25.11.2011-Hei pawh hi Shakespearan Sonnet züla phuah a ni.)