Elti Muana
FREE VERSE NGIALNGAN
Hmanah khua bawm romei zing riai karah,
Ram loh lentu parthing vul chi chiai hnuaiah,
Tha chungchuang tleitiri nen buan ang kan pawm lai khan
Lungrukah hlim zai sain, ri loin rawl mawi ka chhuah a,
Chhaka turni khi ka tan beiseina kawl entu a ni.
Tunah lung tileng khua bawm romei a lo zing leh a,
Ram loh lentu parthing an lo vul leh ta,
Tha chungchuang mi u tel lo chuan maw
Lungrukah tahhluan zai ka sa, chhuihthang ka val zo nem
Chhaka turni lo her chhuak khian
Nunhlui mual liam hnu lo chu a her chhuahpui si lo!
No comments:
Post a Comment