Htluanga Hruaia
AWI MAW..!
* Hmâna ka chuan, khaw dài lungrâwn,
Hnuchhawn iangin a ram ta e, awi maw!
* Hmâna kan buan, lawhlèng sial iang,
Ram hnu iangin kan au leh e, awi maw!
* Hmâna kan kuan, lawhlei partir iang,
Thlauh hnu iangin a chul ta e, awi maw!
* Hmâna kan thlir lenkâwl, kâwl mawi,
Nunhlui iangin a liam ta e, awi maw!
* Hmâna kan ngaih, herthul khua than,
Siktui iangin a dai thinlung a’n, awi maw!
* Hmâna kan vei, vei tinrenga kan vei,
Thlangkhuandimin a liam e, awi maw!
* Hmâna kan tâ, kan tâ ni ta si lovi,
Turni iangin a liam e, thlangtlai a’n awi maw!
No comments:
Post a Comment