NGAIH LUNGLÊN

Pa Marema Thaibawih
Quintet:
NGAIH LUNGLÊN

I
Suihlung mu a tho hi em lo ni le?
Uai hnîng hniang hi maw NGAIH LUNGLÊN?
Tuar har ka ti hril ka thiam lo ve;
Tah hluan a awl awm e a iangin saisên,
Hnêm za ila, âw…, ngaih suihlung rualpui zawng nên.

II
Pan leh râwllai, lênlai nî leh vânglai,
Chûn leh zua, hai ang tar thlengin,
Ngaih bân zai kan rêl lo’ng kan hlim lai,
Kan nun chul hnu kha khuarei a chang si thin,
Nghilh har tiin, âw…, ngaih a zual zêl dâwn a sin.

III
Chûn leh zua, pi leh pu, chînlai unau,
Hrailêng leh tuahrempui, lenrual
Ngaia lunglên vaihna khua a zau;
Lungrual têa kan lênna laitual,
Fan châng niin, âw…, puan ang thinlai a thar zual.

IV
An hril bâng lo dam lai lusûn mai pawh,
Fam ngaih tuar nêm thei che maw âw?
Kal ta zawngte kha dâwn kîr rawh;
Fa fang la zâlna rûn famrolung mual saw,
Hmangaih lungduh, âw…, pialleiah kan then thin maw!

V
NGAIH LUNGLÊN a nâ hi a nêm dam diai,
Hmânlai chang hnu tângah a zâm,
Ka dâwn khâwl hian thinlai a zing riai;
Kan nun chuai ta zawng pawh lairila’n a châm,
Fam si lo hian, âw…, lunglohtui dâwn ka lo nuam!

Quintet : 'Tlar Nga Zai' hi tlartin thui zâwng bithliah a awm lo a, metrical verse a ni lêm lo bawk; rhyme scheme erawh chu 'ababb' hman a ni thin awm e. Zolunglên Zai hla rem nân kan han hmang ve leh mai mai a ni! — at Thaibawih Zolunglen Zai Institutes.