Elti Muana
KHUAREL DAN
Uaia vuai thin khuarel dan hnuaiah chuan,
Chuailo par a chuai fo a,
Kumtluang par lahin kum sul khat em pawh a daih zo lo;
Mahse chhingmitthlaah chamin,
'Tah chuan parin an vul reng ang.
Chhingmitthla zawng,
Uaia vuai thin khuarel dan hian khuahin a khirh ve si lo.
Chuaia chul thin khuarel dan hnuaiah chuan,
Lungrun, i sakhmel ngei pawh hi a vul reng dawn lo;
Mahse chuaia i chul tikah pawh,
Lungrun, i vul chatuan dawn a ni -
Chuaia chul thin khuarel dan hian
Khuahin a khirh ve si lo ka thinlung hi.
Vul hnu chu chul mah se,
Mawina a chhiah tawh ang hu zel a
Hriat rengin a awm dawn;
Chuaia vuai ve ngai lo khuarel danah chuan.
Hun lo her zelah, nang leh kei hian
Eng nge ka chhiah ve tak ang le?
No comments:
Post a Comment