Dawithiam Lalruanga
A RIANG VAL
Lal fapa reng maw a nih ngai,
A pianna maw Bethlehem dai,
A chun nu mah a riang lanu,
Ngaisang tu reng tawng ngai lo chu.
Khua azawnga Bethlehem chu,
Davida khua ni lo phei se,
Hriat ngai loh reng tura khua chu,
A sakhming reng an lam lo'ng e.
A lo piang a ran in chhungan,
Ran rual mai maw lo lawmtu chu,
Laikhum thlenem a chan ai khan,
An hlan tlat e ranthleng zawk chu.
Hringfa zaleng zingah a iang a,
Ringhlei awm tak ang maw, a riang vala. (24.12.2012)
No comments:
Post a Comment