KRISMAS CHIBAI

Hruaia Hualngo
KRISMAS CHIBAI

Kumsûl lo her, sikpui hun nuàm lo thleng,
'Hlel te'n kan hmuah hringfa, nungcha léngte'n;
Pár máwi tin léng zaléng làwma'n rawn keng,
Hun làwmawm Lal piànchamphaphäk min thlen!

Bumtú buma awma, bova väkvài,
Suàl bäwia táng, Vàn chán, chhan ngái kan tán-
Hmangaih vàngin Krista'n piállei rawn dái,
Hringmï iánga piánga riánghlei chan nán!

Làwmin i làwm ang u Lal lo piáng chu,
Lal-ah lo piáng ve se kan thinlungah;
Chang ve ila mi tán malsàwm thlentü,
Kan tán a ni, kan seng ngèi ang a rah!

Him leh hlimin he hun hlú hi hmang 'la;
Tluáng leh 'muáng te'n hmangin, thang máwi thlang 'la!

24122012
RSC, Azl.