ENGVANGNGE...??

Anirozcp Mawia
ENGVANGNGE...??

Ka thlan hi ka thlang lova,
Ka duh hi ka duh hek lo;
Ka ngainat chu ka hua a,
Ka lawm chu ka thlah a.

Tha ka tih hi tha ka ti lova,
Nep ka tih hi ka ngaihlu a;
Hlu ka tih chu ka tlansan ta,
Mawi hi a mawi lova, a lem a ni.

Takna chu ka zawng a,
Duap kai mai ka lo ni;
Felna chu ka um a;
Misual mai ka lo ni.

Ropui ka thlang a,
Hnuaichhiah ka ni a;
Thiamna leh finna ka zawng a,
Atna leh mawlna chauh ka chhar.

Nunna ka duh a, ka tlansan si,
Thihna ka hlau a ka pan thung si;
Chawlhnaah chawlh ka tum a,
Zawn neiin ka vir buai a.

Fakna chuan min bum a,
Keimahah sual leh tha,
A insual avangin.