NUN HLUI KA CHHUI

Zira Chhakchhuak Hualngo
‎(A thui mah mah ti lo hram ang che. Chang li lai ka hlawi then tawh a nia!!)

NUN HLUI KA CHHUI

"Kei chu thlan thimah mi hnut chhiah ta la,
Nang erawh lawmna par tlanin hlim la.."

Hlimten hma hun ka sam laiin,
Then thu ilo rel si;
Nang nen tia ka sam thu tin,
Sikni iang an liam hi.

Nghilh tur chein min tur lui a,
I tel lova nung ang;
Mahse lengngha siktui lova,
Nun tir tum iang ka chan.

I kimtlang zawng leh zawlai-di,
Ka tan nghilh ngai loh tur;
Tlanghri hnehin tawrh har ka ti,
Nang lova ka riang tur.

Nei i Chhura Seki-buh-chhuak,
Leh Lalruanga dawibur;
Nge, Maurawkela zawng khuang, vuak-
Thei i ka ta 'ni tur.

'Thianga len a rem si loh chuan,
Khuan chu dim mai na'ng che;
Kei zawng i zunzamin mi vuan,
'Tan zai ban zel ing e.

Hlim ni'n a bosal che tikah,
I tan he piallei hian;
Lungngaihnaa a hliap hun cheah,
Ka ni ang, i tan, 'thian'.

"Ka tan rohlu i sulhnu zawngte kha,
Mahten ka lo vawng nange i hlimthla."