Sikpui lo her, zo phul hring mawi a uai leh zo ta,

Ka Lalnu
‎(Nichin lawka ka rilrua lang ang ang ka ziah chhuah tawp tawp hi ka'n dah ve chhin teh reng ang; keia karin ka la chei lo ve khanglang lehnghal a, a ulh ta deuh a nih pawhin inhriatthiamah kan ti a ni ang chu. A thupui vuah tur mai pawh ka hre lo)

Sikpui lo her, zo phul hring mawi a uai leh zo ta,
Hun lo herin senmei laithain a man leh ang a,
Virthli lo thawkin, ri hum humin mual tin a kaipui leh ang senmei.
Vapah changin, a chul zo leh ang zo phul hring mawi -
Thalkhua hera duah te'n hnah thar a chhuah leh hma zawng.

A iang rengin nunmawi par ang vulna ramah,
Sualna sikpui ang lo hrang, nunmawi uaiin a chuai;
AIDS senmeiin nunmawi chuaihnu a kangkai a,
Pawlawhna virthli lengin tlang tin a kaipui duai duai a.
A tlang a tlanga a kang vap tur kei zawng ka ngai ngam lo -
Zo phul mawi iang duah te'n hnah thar chhuah ni
Her chhuak ve tawh si lo tur chu.

Saipui kalsiam ang kalsiam, he kan ram kal tluang chhui sual hi,
Cho-ui tang iang chelh thei changin ka mawi si lo;
Tlang tina leng unau lenrual ka sawm e -
Vapa kang ral a, lumtu nei lo thlaler ramro a chang tur dang turin.