NUN THAR
Duhthulêng sâmin tinkim ka dâwna.
Nimah sela..
Ka banphak ngai loh tûr mai a lo ni si.
Suangtuah ram mawiah chêngin ka in awmtlei a.
Chu lah chu...
A tak rama ka chan phâk ngai loh tûr mai a ni si.
Hnu lam hawikirin thimin a bâwm khat tlat a.
Hmalamah lah...
Beiseina kâwl êng a fiah lo riai mai bawk si.
Beidawnnain hringnun chimpilin a dâp khat dul a.
Chu hunah chuan....
Beiseina nungin rinna hmangin min nawr kal thin.
Hringnun zin kawng hahthlak tak ka zawh lai hian.
Aw, beiseina nung...
Duhawmna tinrênga inthuam rawn inchhawp hnai ta che.
Ka hma lam hun thim tak hi min sutkian pui la.
Chuti chuan...
Hnulam hnuchhawnin nun thar bul ka tan nâng e.
Ka banphak ngai loh tûr mai a lo ni si.
Suangtuah ram mawiah chêngin ka in awmtlei a.
Chu lah chu...
A tak rama ka chan phâk ngai loh tûr mai a ni si.
Hnu lam hawikirin thimin a bâwm khat tlat a.
Hmalamah lah...
Beiseina kâwl êng a fiah lo riai mai bawk si.
Beidawnnain hringnun chimpilin a dâp khat dul a.
Chu hunah chuan....
Beiseina nungin rinna hmangin min nawr kal thin.
Hringnun zin kawng hahthlak tak ka zawh lai hian.
Aw, beiseina nung...
Duhawmna tinrênga inthuam rawn inchhawp hnai ta che.
Ka hma lam hun thim tak hi min sutkian pui la.
Chuti chuan...
Hnulam hnuchhawnin nun thar bul ka tan nâng e.
No comments:
Post a Comment