Lalpan a hmu leh ta

• Rampik leh hling zing ah chuan
  Chhuahna reng awm lo iang a vakvaiin
  Lungngaihna chhumten an tuamna hmun ah
  Pil in kan bo a ngaihna reng hre lovin
  Aui aw ren a lawi zo ta
  Thi ila khawi lamah nge
  Sheol thlan thim chauh hmabak
  Chinghne koham rualte puk thim chu
  Min hual vel ta lainatna tel lek lovin
  Min chinglet chhuak thei lek lo vin
  Chhantu ka va ngai em ka lo ti.
  Chu hmun pik leh thim riai a ka awmna chu
  Ka awmna tur reng a ni si lo
  Min chhanchhuak tu tur an dap ta
  Van Angel rual leh sheol hnuai thlengin.
  An awm nem maw ral hma a huai
  Tichuan kei ka lo mangang- Ka lo tap
  Davida bulpui chu min chhan tur a kal in
  Min pu chhuak ta, hling zing ata chu.
  Van in a fa a chhar leh ta
  Lawm hla an rem thang vansang ah
  An aw thangkhawk chuan a fan vel e
  Bethlehem dai phul beram pute
  Chung lam arsi pawhin chawlh zai a rello
  A lo engzual zel e, mihringte hnen ah
  A tlawm lai ber hmun ah a lokal ka tan
  Tlawm mahse vanlal ropui ber a ni.
  Van ami te chuan zai an lo rem.
  
  Chungnungberah ropui rawh se
  Leichungah remna leng se
  
  Keini pawhin i chhawn ve ng u.
  
  Haleluiah Lalpan a hmu leh ta
  Sual a bo hnu hringfa te chu tiin.

  
  By VL Hminga