R Lalchanchin Mawia's
KHAWTLANG LUNGLEN
Tlangtin leh mualtin chuan a,
Khuatin ka thlir châng ni hian.
A thar leh thin thinlai rûkah,
Nunhlui puan ang chul tawh hnu.
Lunglêntu mi hrilh thalbâwm romei,
Kir chî chiat Laiking bêlrawh inzial.
Chhingmit chumchi vâi lêng de neuh neuh,
Thâlkhuaah zâm chi chiai e lungtin lêna'n.
Ka hawi ngam lo rualhlui kan sûl i hnu,
Lungtin lên nân rênga zâm thalbâwmah.
Kir rêl lo nunhlui pialleia thâm tawh hnu,
Nghilh thei rêng hian ka mawi tawh si lo.
Ami lêng cho rual loh leilung mâwina,
A duang em ni khuanu'n lungtin lên nân.
Min tho leh thin mawitin thang mâwinain
Lunghlui tharin vaihkhua rêng a sei ngei e.
A awm si lo nunhlui kei ka tân rêng hian,
A chul thei lo nghilh hnu thar leh thin vângin.
Min hnêm theiin a mawi ne'maw khuarei paw'n,
Thâlkhuain zûnlêng min bân chhûng chuan.
No comments:
Post a Comment